سوچ سے حقیقت تک

ٹیلی پیتھی کے راز

کیا کبھی آپ نے خود سے یہ سوال کیا ہے؟
جو بات آپ سوچتے ہیں یا جو منظر اپنے ذہن میں بناتے یا رکھتے ہیں کیا وہ ایک دن حقیقت بن سکتا ہےکیا آپ کا خیال واقعی اتنی طاقت رکھتا ہے کہ پوری کائنات کو اپنی سمت موڑ دے۔

اگر جواب ہاں تو آپ مبارک باد کے مستحق ہیں کیونکہ یہی وہ راز ہے جو ٹیلی پیتھی اور باطنی کائنات کے دروازے کھول دیتا ہے انسان کی سب سے بڑی طاقت اُس کی سوچ ہے

جب آپ کسی خیال کو بار بار دہراتے ہیں آپ کا دماغ خاموش نہیں رہتا۔وہ اپنی ہر سوچ کے ساتھ ایک برقی لہر پیدا کرتا ہے جسے دماغی لہریں کہا جاتا ہے۔یہ لہریں صرف آپ کے ذہن میں نہیں رہتیں بلکہ ایک برقی مقناطیسی توانائی کے دائرے میں بدل کر کائنات میں پھیل جاتی ہیں۔

یعنی آپ کا ہر خیال
ہر احساس
ہر تصور
کائنات میں ایک پیغام کی صورت میں پھیل جاتا ہے۔ اور یہی پیغام کسی نہ کسی صورت میں واپس آپ کی زندگی میں پلٹ کر آتا ہے۔

کیونکہ جب آپ کسی چیز کے بارے میں سوچتے ہیں
مثلاً مجھے یہ کام ضرور کرنا ہے یا میری زندگی بہتر ہو رہی ہے یا ہو گئی ہے۔

تو آپ کا دماغ برقی لہریں( الیکٹرک سگنل) پیدا کرتا ہے۔
یہ لہریں چھوٹی مگر طاقتور توانائی کی شکل میں دماغ سے نکل کر فضا میں پھیل جاتی ہیں۔یعنی ہر خیال دراصل ایک انرجی سگنل ہوتا ہے۔

 کائنات ایک انرجی کا نظام ہےسائنس کے مطابق
پوری کائنات انرجی سے بنی ہے ہر چیز چاہے وہ پتھر ہو، پانی ہو، آواز ہو یا روشنی
سب میں انرجی کی کوئی نہ کوئی شکل موجود ہے۔

اس کا مطلب یہ ہے کہ آپ کے خیالات بھی اسی انرجی کے نظام کا حصہ بن جاتے ہیں۔

  توانائی اپنی جیسی توانائی کو کھینچتی ہے

یہ اصول لا آف اٹریکشن کہلاتا ہے۔
یعنی جیسی انرجی ۔۔۔ ویسی کشش۔

جب آپ مثبت سوچتے ہیں تو آپ کی دماغی لہریں مثبت انرجی کو اپنی طرف کھینچتی ہیں۔

لیکن جب آپ منفی سوچ میں رہتے ہیں تو وہی لہریں منفی چیزوں سے جڑ جاتی ہیں۔

اس طرح آہستہ آہستہ آپ کا ماحول اور لوگوں کے رویے آپ کی سوچ کے مطابق ڈھلنے لگتے ہیں۔

یاد رکھیں آپ کی سوچ یا خیال صرف فضا میں ہی نہیں رہتا وہ آپ کے رویے ، فیصلے، اور بولنے کے انداز پر بھی اثر ڈالتا ہے۔

مثال کے طور پر اگر آپ یقین رکھتے ہیں کہ میں کامیاب ہوں میں ٹیلی پیتھی ماسٹر ہوں …. تو آپ کا جسم دماغ اور عادتیں اسی یقین کے مطابق کام کرنے لگتی ہیں۔

نتیجہ یہ نکلتا ہے کہ کائنات آپ کے عمل اور انرجی کے درمیان مطابقت پیدا کر دیتی ہے اور آپ کی سوچ حقیقت بن جاتی ہے۔

سوچ کو کیسے حقیقت بنائیں
⿡ اگر آپ زندگی میں کچھ بڑا حاصل کرنا چاہتے ہیں تو صرف سوچیں ہی نہیں بلکہ اپنی اس سوچ اور خیال کو ایک ڈائری میں لکھیں ۔۔۔ خیال خوبصورت ہوتا ہے مگر جب تک وہ کاغذ پر نہیں اترتا وہ بس ایک خواب ہی رہتا ہے۔
جب آپ لکھتے ہیں تو آپ اپنے دل، دماغ اور کائنات …… تینوں کو ایک ساتھ یہ پیغام دیتے ہیں کہ
میں یہ پانے کے لیے تیار ہوں۔

یہ لکھنے کا عمل آپ کے اندر واضح سمت پیدا کرتا ہے۔ اب آپ کا دماغ ہر روز، ہر لمحہ انہی راستوں کو تلاش کرتا ہے جو آپ کو اس منزل تک لے جائیں۔

یوں سمجھیں سوچنا پہلا قدم ہے اور لکھنا وہ دروازہ ہے جو آپ کے خوابوں کو حقیقت کی دنیا میں داخل کرتا ہے۔

جب آپ اپنی خواہش یا مقصد کو کاغذ پر لکھتے ہیں تو دراصل آپ کائنات کو صاف صاف بتاتے ہیں کہ
مجھے یہی چیز چاہیے۔

یہ لکھنے کا عمل معمولی نہیں
یہ آپ کے دماغ کے ایک حصے کو جاگنے پر مجبور کرتا ہے
جسے  (ریٹیکیولر ایکٹیویٹنگ سسٹم) کہتے ہیں۔

یہی حصہ آپ کے اندر کی ریڈار کی طرح ہے جو آپ کے مقصد سے جڑی ہوئی چیزوں کو ہر جگہ پہچاننے اور دلانے لگتا ہے۔

مثال کے طور پر اگر آپ نے لکھا کہ میں کامیاب ہوں ….تو دماغ فوراً ایسے خیالات اور لوگوں کو آپ کے آس پاس لانا شروع کر دیتا ہے جو اس بات کو سچ بنانے میں مدد دیں۔

اس طرح لکھنا صرف الفاظ کا کھیل نہیں……. بلکہ یہ آپ کی نیت کو انرجی میں بدلنے کا عمل ہے۔

ٹیلی پیتھی میں اسے نیت کا پروگرام کہا جاتا ہے۔
یعنی جب آپ کوئی بات سچے دل سے لکھتے ہیں تو آپ دراصل اپنی نیت کو ایک زنده انرجی میں بدل دیتے ہیں۔

آپ کے لکھے ہوئے ہر لفظ میں ایک لہر وائبریشن پیدا ہوتی ہے یہ لہر خاموشی سے کائنات میں سفر کرتی ہے، اور پھر واپس آ کر وہی چیزیں آپ کی زندگی میں لے آتی ہےجن کے بارے میں آپ نے سوچا یا لکھ کر مانگا ہوتا ہے۔

یوں سمجھیں جب آپ کچھ لکھتے ہیں تو وہ لفظ صرف کاغذ پر نہیں بلکہ کائنات کے نظام میں درج ہو جاتا ہے اور جیسے ہی آپ کا یقین اس کے ساتھ جڑتا ہے وہ بات حقیقت بننے لگتی ہے۔

 منفی خیالات سے نجات پائیں

اگر آپ کامیاب ٹیلی پیتھسٹ بننا چاہتے ہیں تو آپ کو اپنے اندر کی تاریکی صاف کرنی ہوگی ہر شک، ہر خوف، ہر مایوسی کو گڈ بائی کہہ دیں۔

جب آپ مثبت سوچتے ہیں
تو آپ کا دماغ  ڈوپامائن پیدا کرتا ہے
یہ وہ کیمیائی انرجی ہے جو آپ کی ذہنی لہروں کو کائنات کے ساتھ مطابقت پیدا کرتی ہے۔

 سوچ ، یقین اور جذبہ …. انسان کا اصل جادو

کائنات آپ کے الفاظ نہیں سمجھتی
وہ آپ کے احساسات کی لہروں کو سنتی ہے جب آپ کے جذبات خلوص سے بھرے ہوں
تو آپ کی دماغی لہریں ہائی فریکوئنسی گیما ویوز(wave’s) بن جاتی ہیں جو کائناتی لہروں کے ساتھ مہاث پیدا کرتی ہیں۔

اگر آپ خوفزدہ ہیں
تو وہی توانائی واپس ملتی ہے

اگر آپ پُراعتماد ہیں
تو کائنات اعتماد کی لہروں سے جواب دیتی ہے
اگر سوچتے ہیں کہ آپ کامیاب ہیں
تو کائنات کامیابی کی لہروں سے جواب دیتی ہے۔

لہٰذا آج سے …. وہی سوچیں … جو آپ چاہتے ہیں۔
اور پھر دیکھیں آپ واقعی اپنی سوچ سے ویسا کیسے بنتے ہیں جو سوچیں گے وہ بن جائیں گے۔