خوابوں کو حقیقت میں بدلنے کا عزم

ٹیلی پیتھی کی طاقت سے اپنی زندگی بدلیں

زندگی میں وہی لوگ تاریخ کے صفحات پر زندہ رہتے ہیں جو نہ صرف خواب دیکھتے ہیں بلکہ ان خوابوں کو حقیقت کا روپ دینے کے لیے اپنی پوری زندگی وقف کر دیتے ہیں۔
خواب محض ایک خیال نہیں ہوتے بلکہ یہ آپ کے اندر چھپی بے پناہ صلاحیتوں کو بیدار کرنے کا ذریعہ ہیں۔ یہ وہ طاقت ہیں جو آپ کو ناممکن کو ممکن بنانے کا حوصلہ عطا کرتی ہیں۔آپ نے ٹیلی پیتھی کے غیر معمولی راستے کا انتخاب کیا ہے۔ یہ راستہ عام لوگوں کے لیے نہیں بلکہ ان عظیم لوگوں کے لیے ہے جو اپنی حدود کو توڑ کر کائنات کے رازوں کو سمجھنا چاہتے ہیں۔۔۔۔۔۔۔۔ یہ وہ سفر ہے جو آپ کو ایک عام انسان سے ایک خاص اور منفرد شخصیت میں تبدیل کر سکتا ہے۔

لیکن یہ سفر آسان نہیں ہوگا۔ راستے میں مشکلات آئیں گی، مایوسیاں آئیں گی، اور کبھی کبھی آپ کو لگے گا کہ منزل بہت دور ہے۔۔۔۔۔۔۔۔۔ لیکن یاد رکھیں صرف وہی لوگ کامیاب ہوتے ہیں جو مشکلات کو اپنی طاقت بنا لیتے ہیں، جو اپنے عزم اور حوصلے سے ان چیلنجز کو شکست دیتے ہیں۔

جب آپ روزانہ اپنی ایکسرسائز کریں تو اپنی آنکھوں کے سامنے اپنے خواب رکھیں۔۔۔۔۔ وہ خواب جو آپ کو ہر روز آگے بڑھنے کی تحریک دیتے ہیں۔۔۔۔۔ وہ خواب جو آپ کو یقین دلاتے ہیں کہ آپ اس دنیا کو ایک نئی راہ دکھا سکتے ہیں۔

اپنی مشق کے ہر لمحے یہ تصور کریں کہ آپ کے ذہن کی سپر پاورز ایکٹیو ہو رہی ہیں اور آپ کامیاب ٹیلی پیتھی ماسٹر بن رہے ہیں۔

یہ نہ سوچیں کہ راستہ کتنا طویل ہے، بلکہ یہ سوچیں کہ ہر قدم آپ کو اپنی منزل کے قریب کر رہا ہے۔

میرے عزیز سٹوڈینٹس!
آج یہ عہد کریں کہ آپ اپنے خوابوں کو حقیقت میں بدلنے کے لیے ہر قربانی دیں گے۔ چاہے راستے میں کیسی بھی رکاوٹ آئے آپ اپنے مقصد پر ثابت قدم رہیں گے۔ اپنی مشق میں کبھی بھی ناغہ نہ کریں۔۔۔۔۔

یاد رکھیں وہ جاب جس کے لیے آپ آج مشق چھوڑ رہے ہیں اور چھٹی لے لی ہے ۔۔۔۔۔۔۔۔ شاید وقتی طور پر اہم لگے لیکن آپ کے خوابوں کے مقابلے میں اس کی کوئی حیثیت نہیں۔۔۔۔۔۔ اگر آپ کسی وجہ سے رک گئے ہیں تو ابھی اسی وقت نئے عزم کے ساتھ دوبارہ آغاز کریں کیونکہ آج ابھی وقت ہے موقع ہے ۔۔۔ کل کس نے دیکھی ہے کہ کیا ہو گا۔

اپنی ایکسر سائز کے دوران اس بات کا پختہ یقین رکھیں کہ ایک دن دنیا آپ کی محنت کو دیکھے گی اور آپ کے خوابوں کو حقیقت بنتے ہوئے سلام کرے گی۔
آپ کی منزل آپ کے منتظر ہے اور آپ کا عزم آپ کو اس تک پہنچائے گا۔ ان شاءاللہ

آپ کا استاد
غلام مصطفیٰ مہر