یقین کی لہروں سے کائنات کی مددحاصل کریں

تمہارا یقین ہی تمہاری کائنات

 یقین کی لہروں سے کائنات کی مددحاصل کریں ….انسان  کا یقین صرف ایک سوچ نہیں یہ ایک لہری توانائی ہے۔جب دل اور دماغ کسی مقصد پر پوری طرح متفق ہو جائیں تو یہ یقین ایک پیغام بن کر کائنات میں لہریں بھیجتا ہے۔یہ لہریں بالآخر اُن حالات، مواقع اور لوگوں کو تمہاری زندگی میں لاتی ہیں جو تمہارے یقین سے مطابقت رکھتے ہیں۔
یعنی کائنات تمہارے یقین کے سگنلز سنتی ہے۔

 کامیابی کے لیےدل سے ماننا ہی پہلا قدم ہے

غلام مصطفیٰ مہر کی رہنمائی میں یقین کی لہروں سے کائنات کی مدد حاصل کریں – Telepathypower

بیشتر لوگ صرف دعا کرتے ہیں مگر دل کے اندر شک رکھتے ہیں۔
یقین تب طاقت بنتا ہے جب انسان کے دل میں یہ احساس ہو کہ
“جو میں مانگ رہا ہوں، وہ پہلے ہی میرے حصے میں لکھا جا چکا ہے۔”
یہی یقین انسان کے سوچنے، بولنے اور عمل کرنے کے انداز کو بدل دیتا ہے
اور یہی تبدیلی کائنات کے ردعمل کو بھی بدل دیتی ہے۔
جس چیز پر تمہارا فوکس ہے، وہی تمہاری زندگی میں بڑھتی ہے۔
اگر تم مثبت سوچو گے، تو تمہاری توانائی بھی مثبت ہوگی،
اور اگر تم شک، ڈر، یا منفی سوچ میں رہو گےتو تمہاری لہریں بھی ویسی ہی بن جائیں گی
اور کائنات تمہیں اسی کے مطابق حالات واپس دے گی۔

اسی لیے ہر کامیاب شخص کے پیچھے ایک پختہ یقین ہوتا ہے نہ کہ قسمت کا کھیل، بلکہ یقین کی لہروں کا اثر ہوتا ہے۔

جو سٹوڈنٹس ٹیلی پیتھی روزانہ ایکسرسائز کر رہے ہیں اگرتجربات کرتے وقت ان کے دل میں کہیں نہ کہیں شک ہو کہ پتہ نہیں میرا پیغام واقعی پہنچے گا یا نہیں۔تو ان کا پیغام کیسے دوسروں کے ذہن میں پہنچے گا۔

یاد رکھو — یقین کی لہروں سے کائنات کی مددحاصل کرناایک فن ہے کیونکہ ٹیلی پیتھی کا راز مشق میں نہیں یقین میں ہوتا ہے۔
جب تم پورے اعتماد سے یہ مان لیتے ہو کہ
میرا پیغام پہلے ہی دوسرے کے ذہن تک پہنچ چکا ہے

تو تمہاری لہریں خود بخود طاقتور اور واضح ہو جاتی ہیں۔
یہی یقین تمہارے خیال، لہجے، اور تصور کو بدل دیتا ہے
اور وہی تبدیلی کائنات کے سگنلز کو تمہارے حق میں کر دیتی ہے۔

شک لہروں کو کمزور کرتا ہے……جبکہ یقین، لہروں کو منزل تک پہنچاتا ہے
جب تم شک چھوڑ کر یقین کے ساتھ پیغام بھیجیں گےتو تم صرف انسان سے نہیں بلکہ کائنات کے نظام سے جڑ جائیں گے

یقین کو سو فیصد بنانے کے 5 آسان طریقے

 تصور کی مشق 

آنکھیں بند کرو اور محسوس کرو کہ پیغام پہلے ہی دوسرے کے ذہن میں پہنچ چکا ہے۔

 سانس کی ہم آہنگی

گہری سانس لو، آہستہ چھوڑو۔ تصور کرو کہ یقین بڑھ رہا ہے، شک نکل رہا ہے۔

مثبت جملے دہرانا

میرا پیغام طاقتور ہے، میری لہریں صاف ہیں، اور وہ اپنی منزل تک پہنچ چکی ہیں۔

احساسِ یقین
صرف تصور نہیں — محسوس کرو کہ پیغام حقیقت بن گیا ہے۔

 شک سے فاصلہ

اگر دل میں سوال آئےمسکرا کر کہومیں نے کام کر دیا، باقی کائنات جانے۔

یاد رکھیں یقین مکمل ہو تو فاصلہ، وقت اور حدیں سب مٹ جاتی ہیں۔
 یقین کو 100% مضبوط کرنے کے 5 آسان طریقے

عزیز سٹوڈینٹس!
یقین وہ طاقت ہے جو انسان کو ناممکن کو ممکن بنانے کا حوصلہ دیتی ہے۔
یقین کوئی جادو نہیں، بلکہ ایک روزانہ کی عادت ہے جسے مسلسل مشق سے بڑھایا جا سکتا ہے۔
آئیے جانتے ہیں 5 ایسے آسان اور آزمودہ طریقے جن پر عمل کرنے سے آپ کا یقین دن بہ دن مضبوط ہوتا جائے گا۔

 چھوٹے قدموں والا اصول 

یقین بڑھانے کا سب سے مؤثر طریقہ ہے چھوٹی چھوٹی کامیابیاں جمع کرنا۔

طریقہ

 اپنے بڑے مقصد کو 7 چھوٹے حصوں میں تقسیم کریں۔

 روز صرف ایک چھوٹا حصہ مکمل کریں۔

آخر میں نوٹ کریں: “میں نے آج یہ کیا، اس سے مجھے یہ محسوس ہوا، اس کا مطلب ہے میں کر سکتا ہوں۔

 ہفتے کے اختتام پر اگلا درجہ شروع کریں۔

 نتیجہ
جب آپ روز چھوٹی کامیابیاں حاصل کرتے ہیں تو دماغ کے اندر میں کر سکتا ہوں   والا یقین پختہ ہوتا ہے۔
اور یہی اصل خوداعتمادی ہے۔

  پلان (خواہش + رکاوٹ + حل)

یہ ایک سادہ مگر زبردست دماغی طریقہ ہے جو انسان کے ارادے کو مضبوط بناتا ہے۔

طریقہ

  خواہش: میں اپنے یقین کو 100% تک مضبوط بنانا چاہتا ہوں۔

نتیجہ: سوچیں جب ایسا ہوگا تو آپ کو کیسا محسوس ہوگا۔

 رکاوٹ: وہ چیز پہچانیں جو آپ کو روکتی ہے، جیسے سستی یا شک۔

منصوبہ:اگر میں کمزور محسوس کروں گا تو میں گہری سانس لوں گا اور اپنی کامیابیوں کو یاد کروں گا۔

 نتیجہ

اس طرح آپ کا دماغ ہر مشکل لمحے میں خود ہی آپ کو صحیح سمت میں لے جائے گا۔

 ذہنی مشق 

جیسے کھلاڑی کھیل شروع کرنے سے پہلے اپنے دماغ میں پورا کھیل دہراتے ہیں،
ویسے ہی آپ اپنے یقین کو بڑھانے کے لیے دماغی مشق کر سکتے ہیں۔

طریقہ

 آنکھیں بند کریں اور اپنے آپ کو کامیابی کے لمحے میں دیکھیں۔

 محسوس کریں کہ آپ پُراعتماد ہیں، سیدھے کھڑے ہیں، اور مسکرا رہے ہیں۔

 پھر حقیقت میں وہی کام تھوڑا سا کر کے دکھائیں۔

 نتیجہ
دماغ آپ کو کرنے والا انسان سمجھنے لگتا ہے، اور یقین خود بخود بڑھتا ہے۔

 منفی خیال کو مثبت بنائیں

کبھی کبھی دماغ کہتا ہے  شاید میں نہیں کر سکوں گا
ایسے وقت میں اس خیال کو ثبوت کے ساتھ بدلنا ضروری ہے۔

طریقہ

 اپنے منفی خیال کو لکھیں۔

 پوچھیں کیا یہ بات واقعی سچ ہے؟

 اپنی پچھلی کامیابیوں کا حوالہ دیں…میں پہلے بھی  کر چکا ہوں….اب بھی کر سکتا ہوں۔

 یہ جملہ ایک کارڈ پر لکھ کر روز پڑھیں۔

 نتیجہ
منفی خیالات کمزور ہو جاتے ہیں، اور یقین مضبوط بنیاد پر قائم ہو جاتا ہے۔

. شناخت بدلیں

جب آپ خود کو  یقین والا انسان” مان لیتے ہیں تو پورا جسم و دماغ اسی کے مطابق عمل کرنے لگتا ہے۔

طریقہ

روز صبح یہ جملہ کہیں
میں وہ شخص ہوں جو روز اپنی کوشش کرتا ہے، چاہے کم ہو یا زیادہ

 صبح ناشتے کے بعد 10–15 منٹ یقین بڑھانے کی مشق کریں۔
 ہر دن کے بعد ✅ نشان لگائیں (یعنی ایسا دن نہ ہو جس میں کچھ نہ کیا ہو)۔

 اگر ایک دن چھوٹ جائے تو اگلے دن ڈبل مشق کریں۔

 نتیجہ
یقین آہستہ آہستہ آپ کی عادت بن جائے گا۔

سات دن کا سادہ پلان

 مقصد لکھیں سات حصوں میں تقسیم کریں
 پہلا حصہ مکمل کریں   پلان بنائیں
 کامیابی کا تصور ذہن میں کریں
 ایک رکاوٹ کو حل کریں
 اپنی کامیابی کسی دوست یا اُستاد سے شیئر کریں
 اگلا لیول شروع کریں
 پورا ہفتہ دیکھیں  کیا بدلا؟
کہاں بہتری آئی؟

 آخر میں یاد رکھیں

یقین ایک دن میں نہیں بنتا۔
لیکن اگر آپ روز تھوڑا تھوڑا عمل کریں گے،
تو ایک دن آپ کا یقین اتنا مضبوط ہو جائے گا
کہ دنیا بھی آپ کے حوصلے پر حیران رہ جائے گی

کولمبیا یونیورسٹی کا ایک طالبعلم ریاضی کی کلاس میں سو گیا۔
جب آنکھ کھلی تو طلباء کی آوازیں آ رہی تھیں کہ لیکچر ختم ہو چکا تھا۔
اس نے دیکھا کہ پروفیسر نے وائٹ بورڈ پر دو سوال لکھے ہوئے ہیں۔ اس نے سوچا کہ یہ یقیناً ہوم ورک کے سوالات ہوں گے۔
اس نے جلدی سے دونوں سوال اپنی کاپی میں نقل کر لیے تاکہ گھر جا کر حل کرے۔جب اس نے ان کو حل کرنا شروع کیا تو اسے پتا چلا کہ یہ سوالات انتہائی مشکل ہیں مگر وہ ہمت نہ ہارا

وہ لائبریری گیا مختلف کتابیں پڑھیں اور حوالہ جات دیکھے اور مسلسل کوشش کرتا رہا….. یہاں تک کہ بڑی مشکل سے ان میں سے ایک سوال حل کر لیا۔

اگلی صبح کلاس میں وہ اس وقت بڑا حیران ہوا جب پروفیسر نے پچھلے لیکچر کے ہوم ورک کے بارے میں کوئی بات ہی نہیں کی

اس نے پوچھا: سر
آپ نے پچھلی کلاس کا ہوم ورک چیک ہی نہیں کیا جو آپ نے آخر میں بورڈ پر لکھا تھا؟

پروفیسر نے حیرت سے کہا: ہوم ورک؟
وہ بولا کہ جی سر جو آپ نے وائٹ بورڈ پر لکھا تھا

پھر پروفیسر بولا
وہ ہوم ورک نہیں تھا۔ میں نے تو صرف چند ایسی مثالیں دی تھیں جنہیں ابھی تک دنیا کے بڑے بڑے ریاضی دان بھی حل نہیں کر سکے

طالبعلم حیرت سے بولا
لیکن سر میں نے ان میں سے ایک سوال چار صفحات میں حل کر لیا ہے

یاد رہے …. بعد میں اس سوال کا حل کولمبیا یونیورسٹی میں باقاعدہ رجسٹر کیا گیا اور آج تک وہ حل اس طالبعلم کے نام سے جانا جاتا ہے۔

وہ چار صفحات آج بھی یونیورسٹی میں محفوظ ہیں۔

یہ طالبعلم بعد میں ریاضی کے عظیم ماہر بنے: جارج دانتزِگ 

انہوں نے صرف اس لیے یہ مسئلہ حل کر لیا کیونکہ انہوں نے کلاس روم میں آنکھ لگنے کی وجہ سے یہ نہیں سُنا تھا
یہ سوالات آج تک کوئی حل نہیں کر سکا!…..یہی اس کی کامیابی کا راز تھا۔

اس لیے سوالات حل کرتے وقت اگرچہ مشکل لگا لیکن انہوں نے خود کوشش کی اور لائبریری جا کر مطالعہ کیا اور اسے یقین تھا کہ ان کا حل ممکن ہے۔ اور بڑی کوشش بعد بالآخر ایک سوال کو حل کرنے میں کامیاب ہوگیا۔

اس لیے آپ اس بات کو ہمیشہ کے لیے ذہن میں اچھی طرح بیٹھا لیں اورکبھی کسی کی یہ بات نہ سنو کہ “آپ نہیں کر سکتے!
آپ سب کچھ کر سکتے ہیں چاہے حالات کتنے ہی مشکل کیوں نہ ہوں ان شاء اللہ۔

ٹیلی پیتھی کے مستقبل کے ماسٹر
جارج دانتزگ اس لیے کامیاب ہوا کیونکہ اسے یہ پتہ ہی نہیں تھا کہ سولات کا حل ممکن نہیں
اس لیے وہ شک سے آزاد ہو کر پورے یقین کے ساتھ لگا رہا۔

یاد رکھیں….. یقین کی قوت جب دل کے اندر جاگتی ہے تو کائنات اس کے راستے سے رکاوٹیں خود ہٹا دیتی ہے اور مواقع، حالات اور لوگوں کو ایسے ترتیب دیتی ہے کہ وہ مقصد کی طرف خود بخود کھنچنے لگتے ہیں اس طرح پوری کائنات آپ کے خوابوں کو حقیقت بنانے میں لگ جاتی ہے۔
نتیجہ آپ کامیاب ہو جاتے ہیں۔

yaqeen-ki-lehron-se-kainat-ki-madad-hasil-karein