صحت مند جسم اور

ذہن کی طاقتور لہریں

ٹیلی پیتھی صرف ذہنی مشق نہیں بلکہ دماغ، اعصاب اور توجہ کے باہمی رابطے کا ایک سائنسی عمل ہے۔

 ذہن کا کھیل سمجھیں

خیال دماغ میں پیدا ہوتے ہیں اور دماغ کے اندر موجود اعصاب ان خیالات کو برقی لہروں میں تبدیل کر دیتے ہیں۔

جب آپ ٹیلی پیتھی کی مشقیں باقاعدگی سے کرتے ہیں تو آپ کا دماغ پرسکون اور فوکس حالت میں ہوتا ہے
یہ فوکس آپ کی دماغی لہروں کو کسی کے بھی ذہن میں بھیج سکتا ہے۔

یہی وہ لمحہ ہوتا ہے جب سوچ محض خیال نہیں رہتی بلکہ ایک مؤثر انرجی میں بدل جاتی ہے۔ اس طرح دو ذہنوں کے درمیان بغیر لفظوں کے پیغام رسانی یعنی ٹیلی پیتھی رابطہ قائم ہو جاتا ہے۔

⚠ لیکن شرط یہ ہے کہ آپ مکمل صحت مند ہوں اگر آپ کا جسم کمزور ہے روزانہ نیند پوری نہیں ہو رہی یا معدہ خراب ہے تو ذہن کبھی وہ طاقتور لہریں نہ بھیج سکے گا نہ وصول کر سکے گا …..کیونکہ جب جسم تھکا ہوا ، نیند پوری نہ ہوئی ہو یا کسی وجہ سے بھی طبیعت خراب ہے تو دماغ اپنا فوکس برقرار نہیں رکھ سکے گا ٹیلی پیتھی میں سب سے بڑی طاقت ہی فوکس ہے

 ٹیلی پیتھی کا سنہری اصول

اگر آپ جسم کمزور ہو تو ذہن کی سپر پاور ایکٹیو نہیں ہوتی دماغ ایک سپر پاور ہے لیکن جسم اس کا آلہ ہے…اگر آلہ خراب ہو جائے تو سگنل بھی کمزور ہو جاتے ہیں۔

سگنل چاہے ذہن کے ہوں یا موبائل کے جب سگنل کمزور ہوں تو موبائل سے موبائل پر رابطہ نہیں ہوتا کال ڈراپ ہو جاتی ہے اگر کنیکٹ ہو بھی جائے تو آواز کٹ کٹ کر یا رک رک کر آتی ہے ….. لہذا ذہن کی سپر پاور سے کام لینے کے لیے جسمانی صحت ٹھیک ہونا ضروری ہے

لہٰذا روزانہ اپنی ذہنی صحت کے ساتھ اپنی جسمانی صحت کے خیال اس سے زیادہ رکھیں۔۔۔یہی وہ بنیاد ہے جس پر آپ کا ذہن طاقتور، پرسکون اور ٹیلی پیتھک لہروں کے قابل بنتا ہے۔

ٹیلی پیتھی ماسٹر کورس کے طلباء کے لیے صحت بخش ہدایات

روزانہ 30 منٹ کی واک

یہ آپ کے دماغ میں آکسیجن کا بہاؤ بڑھا کر اسے تروتازہ کرے گی۔

· صبح کی دھوپ

آپ روزانہ 15منٹ کی دھوپ میں بیٹھیں۔ وٹامن ڈی یادداشت اور مثبت سوچ کے لیے انتہائی اہم ہے۔

 گہری سانسیں

آپ کو سانس کی مشق ٹیلی پیتھی ماسٹر کورس مکمل کرنے تک بتائی گی ہے وہی مشق باقاعدگی سے کرتے رہیں سانس کی مشق کے روزانہ 10سے 12 چکر ضرور پورے کیا کریں ۔ یہ مشق صحت کے ساتھ ساتھ آپ کے پائنل گلینڈ کو ایکٹیو کرنے میں مدد دیتی ہے

ٹیلی پیتھی کی مشق کے دوران ہلکی مگر غذائیت سے بھرپور خوراک لینا لازمی ہےذہن تب مضبوط ہوتا ہے جب جسم کو صحیح غذائیت ملے۔انسان کا جسم اگر کمزور حالت اور کم ایندھن پر چلے گا تو ذہن کی مشینری بھی اپنی رفتار آٹو میٹک کم کر دے گی ۔۔۔دانائی بھی توانائی مانگتی ہے اگرجسم بھوکا ہو تو دماغ سوچتا نہیں بھٹکتا ہے ایک مضبوط، پر سکون اور توانائی سے بھرپور دماغ ہی حقیقی ٹیلی پیتھک صلاحیتوں کو بیدار کر سکتا ہے۔

ان اصولوں کو اپنی روزمرہ زندگی کا حصہ بنائیں۔

دماغی غذا

دماغ کی کارکردگی بڑھانے کے لیے اپنی خوراک میں قدرتی توانائی بخش غذائیں شامل کریں، جیسے: بادام، اخروٹ، پستہ، سبز پتوں والی سبزیاں اور تازہ پھل۔
یہ غذائیں دماغی خلیات کو طاقت دیتی ہیں اور یادداشت بہتر کرتی ہیں۔

فوکس بڑھانے والی غذائیں

اگر آپ کی توجہ بار بار بھٹکتی ہے تو پروٹین سے بھرپور غذائیں استعمال کریں جیسے: انڈے، مچھلی، دالیں اور دہی۔
یہ خوراکیں دماغی توجہ کو مستحکم اور ارتکاز کو گہرا کرتی ہیں۔

 پانی: ذہنی روانی کا راز
دن میں 8 سے 10 گلاس پانی ضرور پئیں۔پانی کی کمی دماغی سگنلز میں خلل ڈالتی ہے اور سستی و چڑچڑاپن پیدا کرتی ہے۔یاد رکھیں  ہائیڈریشن ہی دماغی روانی کا پہلا اصول ہے۔

ان چیزوں سے پرہیز کریں

ٹیلی پیتھی کی مشق کے دوران درج ذیل چیزوں سے بچیں
چینی، کولڈ ڈرنکس، فاسٹ فوڈ اور بھاری کھانے۔
یہ چیزیں توانائی کو گراتی ہیں نیند خراب کرتی ہیں اور دماغی سکون چھین لیتی ہیں۔

نیند ذہنی لہروں کی ری چارجنگ

اگر آپ رات سونے کی روٹین ٹھیک کر لیں تو میں گارنٹی دیتا ہوں کہ آپ کے کورس کا دورانیہ کم ہو جائے گا اور آپ جلد ٹیلی پیتھی ماسٹر بن جائیں گے۔
رات کو بھی سونے سے ایک گھنٹہ پہلے موبائل سے پرہیز کریں۔
موبائل کی نیلی روشنی آپ کے دماغی سگنلز میں خلل ڈالتی ہے نیند کے دوران ہی دماغی لہریں ری سیٹ ہوتی ہیں اور پائنل گلینڈ نئی توانائی جذب کرتا ہے۔
روزانہ 7 تا 8 گھنٹے گہری نیند لازمی لیں۔
پرسکون ماحول میں سوئیں تاکہ دماغ مکمل طور پر ری چارج ہو سکے۔
سونے سے 5 منٹ پہلے اور صبح اٹھنے کے فوری بعد ٹیلی پیتھی ماسٹر بننے کے لیے ان پاور فل جملوں کو سب سٹوڈینٹس دہرائیں۔

میں اللہ تعالیٰ کے فضل و کرم سے روز بروز ہر لحاظ سے بہتر سے بہتر ہوتا جا رہا ہوں
روز بروز میری ٹیلی پیتھی پاور میں اضافہ ہو رہا ہے
میرے ذہن کی سپر پاورز ایکٹیو ہو چکی ہیں۔
میں لوگوں کے ذہن پڑھتا ہوں۔
میں جو کہتا ہوں لوگ اسی پر عمل کرتے ہیں۔
میری سوچ کی لہریں اتنی طاقتور ہیں کہ وہ کسی بھی ذہن کو پڑھ سکتی ہیں
میں ایک کامیاب ٹیلی پیتھی ماسٹر ہوں۔
یہ جملے رات کو سونے سے پہلے اور صبح اٹھنے کے فوری بعد دہرائیں۔
ان جملوں سے ٹیلی پیتھی پاور اور خود اعتمادی میں زبردست اضافہ ہوگا اور آپ اپنے خوابوں کو آسانی سے حقیقت بنا سکتے ہیں۔

صبح کا مثالی آغاز
اپنے دن کا آغاز خالص مثبت ذہنی تازگی کے ساتھ کریں۔
جیسے ہی آپ جاگیں چند لمحے خاموشی میں گہری سانسیں لیں اور جو رات سونے سے پہلے آٹوسجیشن کے جملے دہرا کر سوئے تھے
وہ لیٹے لیٹے 5 منٹ تک ذہن میں دہراتے رہیں۔
اس کے بعد ایک منٹ کے لیے تصور کیجیے کہ
آپ کا آج کا دن پرسکون گزشتہ روز سے بہتر اور کامیاب گزرے گا۔

پھر نماز اذکار اور تلاوت کے بعد خالی پیٹ نیم گرم پانی میں آدھا لیموں نچوڑ کر پئیں۔
یہ جسم سے زہریلے مادے خارج کر کے دماغ کو صاف اور تازہ رکھتا ہے
جس سے ٹیلی پیتھی مشقوں میں فوکس بڑھتا ہے۔

ٹیلی پیتھی ماسٹر کورس کے ہر طالب علم کے دل و دماغ میں یہ بات بیٹھ جانی چاہیے جو اپنے جسم کی خدمت نہیں کر سکتا وہ روح کی طاقتوں کا استاد نہیں بن سکتا۔

اس لیے ٹیلی پیتھی ماسٹر بننے کے سفر کی ابتدا اور کامیابی کا پہلا زینہ یہی ہے کہ آپ اپنی صحت کے خود استاد اور محافظ بن جائیں کیونکہ صحت مند جسم وہ شفاف دروازہ ہے جس کے پار سے روح کی ان لمیٹڈ انرجی آپ کے ذہن تک پہنچتی ہیں اور یہی انرجی آپ کی ٹیلی پیتھک قوتوں کو بیدار کرتی ہیں۔